വിസ്മൃതിക്കുള്ളിൽ മറയാതെ നിത്യവു-
മസ്മൽ സ്മരണയിൽ മിന്നുന്ന താരമേ !
ഹാസ്യസാമ്രാട്ടേ !, മലയാളനാടിന്റെ
ഭാസുരദീപമെ പ്രോജ്ജ്വലിച്ചീടുക
നീതിതൻ ചാട്ടവാറേന്തി പരിഹാസ-
വീഥിയിലാശയാശ്വത്തിൽ കുതിച്ചു നീ
ആഞ്ഞടിച്ചല്ലോ നിരന്തരം രാഷ്ട്രീയ
സാമൂഹ്യമാലിന്യ നിർമ്മാർജ്ജനത്തിനായ്ചുറ്റും ചെളിക്കുള്ളിലാണ്ടു കിടക്കുന്ന
മുത്തു ചൂഴ്ന്നോരോന്നെടുത്തു കാട്ടീടവെ
ഞങ്ങളണഞ്ഞതിൻ ദിവ്യപ്രകാശത്തിൽ
മുങ്ങി പരിസരംപോലും മറന്നുപോയ് !
നിത്യവും കാണുന്ന കാഴ്ചയിലങ്ങതൻ
യുക്തിയാം ഭാവന താഴ്ന്നിറങ്ങീടവെ
ആയിരമായിരമുജ്ജ്വലസൃഷ്ടികൾ
മായികമായിട്ടുയരുന്നു ഹാസ്യമായ്
സഞ്ജയനാമധേയത്തിന്റെ പിന്നിലെ
സഞ്ചിതഹാസ്യ സഞ്ജീവനഗായകാ !
കേരളത്തിന്നഭിമാനമാമങ്ങതൻ
തൂലികാസ്പർശങ്ങൾ ഹാസ്യശരങ്ങളായ്
ആംഗ്ലേയദാസ്യം തലയ്ക്കുപിടിച്ചുള്ള
സങ്കുചിതത്വത്തിൽ ചെന്നുകൊണ്ടീടവെ
നീങ്ങീ ദുരാചാരമെന്ന മൂടൽ മഞ്ഞു
നേടീ സമത്വസാഹോദര്യ സൌഹൃദം !
സ്വർഗലോകത്തിലും ഹാസ്യംതുളുമ്പുന്ന
സർഗ്ഗാത്മഭാവന പൂത്തുവിടരവെഹാസ്യാഞ്ജലികൾ ഹാ ! നേരുന്നു ഞങ്ങൾ-
ക്കൊരാശ്വാസമങ്ങതൻ ഹാസ്യസ്മരണകൾ.
ഇന്നത്തെ രാഷ്ട്രീയനാടകം ദർശിക്കെ,
അങ്ങതന്നാത്മാവു പൊട്ടിച്ചിരിക്കയാം !
സത്യം - ഇദ്ദേഹത്തെ കുറിച്ച് ഓർക്കാത്ത ഒരു ദിവസം എങ്കിലും ഉണ്ടൊ എന്നു സംശയം ആണ്.
മറുപടിഇല്ലാതാക്കൂലോകത്ത് ഏത് സംഭവം നടന്നാലും അതിനെ കുറിച്ചും സഞ്ജയൻ എഴുതിയിരുന്നല്ലൊ എന്നോർമ്മ
ആ മഹാത്മാവിന്റെ ഒർമ്മയ്ക്കു മുന്നിൽ കൂപ്പുകൈകളോടെ
രചയിതാവ് ഈ അഭിപ്രായം നീക്കംചെയ്തു.
മറുപടിഇല്ലാതാക്കൂ
മറുപടിഇല്ലാതാക്കൂഇന്നത്തെ രാഷ്ട്രീയനാടകം ദർശിക്കെ,
അങ്ങതന്നാത്മാവു പൊട്ടിച്ചിരിക്കയാം !
പ്രണാമം !
കാവ്യാഞ്ജലി!
മറുപടിഇല്ലാതാക്കൂവിദ്യാര്ത്ഥിയായിരിക്കെ, ഞാൻ അച്ഛന്റെ സ്കൂൾ ലൈബ്രറിയിൽ സഞ്ജയൻ ഉണ്ടെങ്കിൽ വേണം എന്ന് പറഞ്ഞപ്പോൾ, സഹാധ്യാപകൻ ചോദിച്ചുവത്രേ - ഓ, മകൻ സാഹിത്യത്തിൽ കമ്പമുള്ള ആൾ ആണല്ലേ.
പുസ്തകം കിട്ടി, വായിച്ചു. അത് വേറിട്ടൊരു അനുഭവമായിരുന്നു. എം. ആർ. നായര് എന്റെ പ്രിയപ്പെട്ട എഴുത്തുകാരിൽ ഒരാൾ.
സഞ്ജയസ്മരണ ഉണര്‍ത്തുന്നവിധം പ്രോജ്ജ്വലമായ വരികള്‍.
മറുപടിഇല്ലാതാക്കൂഹാസ്യത്തില് പൊതിഞ്ഞ വിപ്ലവത്തിന്‍റെ തീപ്പൊരികള്‍ വാരിയെറിഞ്ഞ ആ മഹാന്‍റെ
രൂപം മധുസൂദനന്‍ സാര്‍ മിഴിവോടെ "സഞ്ജയസ്മൃതി"യില്‍ പകര്‍ത്തിയിരിക്കുന്നു.
പ്രണാമം
സഞ്ജയന്‍ ഓര്‍മ്മിക്കപ്പെടുന്നു
മറുപടിഇല്ലാതാക്കൂമനോഹരകവിതയിലൂടെ
ഗുരു വന്ദനം .,
മറുപടിഇല്ലാതാക്കൂകവിക്കും ഹാസ്യ സമ്രാട്ടിനും.സഞ്ജ യനെക്കുറിച്ചു അറിയാത്ത എത്രയോ കാര്യങ്ങള്‍ കവിതയില്‍ നിന്നു ലഭിച്ചു സന്തോഷം സ്മരണാന്ജലിയായ ഈ കവിതയില്‍ കൂടിയും സഞ്ജയന്‍ ഓര്‍മ്മിക്കപ്പെടും ...
നന്ദി , മധു സര്‍ .
ഇതിഹാസത്തിലെ സഞ്ജയൻ ജ്ഞാനദൃഷ്ടി വശമുള്ളയാളാണ്. ഈ കവിതയിലെ സഞ്ജയനുമങ്ങനെ തന്നെയായിരുന്നുവെന്നു തോന്നുന്നു.ഇന്നു നാം കാണുന്ന, പണത്തിനോട് തന്ത്രി തൊട്ട്,മന്ത്രി വരെയുള്ളവർ കാണിക്കുന്ന 'ആ വമ്പിച്ച പ്രേരണ'യെക്കുറിച്ച് പണ്ടേയദ്ദേഹം എഴുതിയത് അത്തരമൊരു ചിന്തയ്ക്ക് ഉപോത്ബലകമാവുന്നു. ആ ദീർഘദർശിയായ ഹാസ്യകാരനെയോർമ്മിപ്പിച്ച് അങ്ങേയ്ക്ക് സ്നേഹാദരങ്ങൾ.
മറുപടിഇല്ലാതാക്കൂനല്ലൊരു കവിത.
ശുഭാശംസകൾ സർ....
സ്വർഗലോകത്തിലും ഹാസ്യംതുളുമ്പുന്ന
മറുപടിഇല്ലാതാക്കൂസർഗ്ഗാത്മഭാവന പൂത്തുവിടരവെ
ഇന്നത്തെ രാഷ്ട്രീയനാടകം ദർശിക്കെ,
അങ്ങതന്നാത്മാവു പൊട്ടിച്ചിരിക്കയാം !
നല്ല കവിത.
അഭിനന്ദനങ്ങൾ മധു സർ
പലതും ഭാരതത്തിന്നു സംഭാവന നല്‍കിയ തലശ്ശേരി ഭാരതത്തിന്നു നല്‍കിയ ഒരു മഹദ് വ്യക്തിത്വമായിരുന്നു സഞ്ജയന്‍ എന്ന മഹാ പ്രതിഭ .വരികളിലൂടെ സന്ജയനെ ഓര്‍മ്മിപ്പിച്ച
മറുപടിഇല്ലാതാക്കൂമധുവേട്ടന്നു നന്ദി .
ഇന്നത്തെ രാഷ്ട്രീയ നാടകപരിസരത്തിൽ സഞ്ജയനെപ്പോലൊരാൾ ഉണ്ടായിരുന്നെങ്കിലെന്ന് ആശിച്ചു പോകുന്നു.
മറുപടിഇല്ലാതാക്കൂനന്നായി, രചന.
ഇൻഡ്യാഹെറിറ്റേജ്‌, ഗിരീഷ്, ഡൊ.പ്രേമൻ, തങ്കപ്പൻ, അജിത്ത്‌. ശാന്തകുമാരി, സൌഗന്ധികം, നളിന, സതീശൻ, വിജയകുമാർ. കവിത വായിച്ചതിനും അഭിപ്രായം കുറിച്ചതിനും എല്ലാവർക്കും എന്റെ നന്ദി.
മറുപടിഇല്ലാതാക്കൂ